Home / Health Tips / Antihistamine

Antihistamine

Antihistamine

Ye dawain antihistamine allergy or is ke mukhtalif asrat se jism ka bachao kerti hai is ke ilawa zukam or kharish waghera ke liye istemal ki jati hai is terah ki chand mashore dawain derj zel hen.

  • Avil
  • Piriton
  • Incedal
  • Phenergan

 

Muser Asrat

Tamam adveeyat apna kuch aser rakhti hen jo ke acha bhi hota hy or bura bhi oper di gayi dawaon se kuch muser asrat muratib ho sakte hen jin men se kuch derj zel hen. Jub aisa ho tu dawa ko rok dena chaiye or apne doctor se foran roojo kerna chaiye ta ke wo ap ko koe or dawa ap ke liye recommend kere. Antihistamine ki derj zell Muser Asrat hen.

  • Ong ana, moo khushk hona, ghanudagi.
  • Kisi waqt zayada miqdar men lene se be cheni be qarari be khayali bachon men ghusa ana.
  • Peshab ka rukna, nizam e inhezam men kharabi.
  • Dil ki dharkan teez hona.

 

Ahtiyat

Koe bhi dawa jo ap lete hen on ki kuch ahtiyat hoti hen agr ap ko niche di gayi koe bhi masala ho tu in ke bare men apne doctor ko batayen ta ke wo ap ko sahi or suitable dawa ap ke liye recommend kere. Antihistamine ki dawain Derj zel halton men na len.

  • Hamal ki pehli seh mahi or bache ko dhohd pilane ki mudat ke doran.
  • Jub masane ka ghadod barah howa ho.
  • Jub dawa se allergy ho.
  • Ankhon ki beemari glaucoma.
  • Anti-allergy dawa khane ke foran bad gari ya koe machine chilane se perhiz keren.

 

Dawa Ki Noeeyat Or Zarorat Ki Ahmiyat

 

Allergy ki 2 qism hoti hai aik hai achanak hone wali allergy, dosri hai kisi beemari ki waja se ho jane wali allergy. Achanak hone wali allergy ya tu kisi dawa ke lene ki waja se hoti hai ya koe keera kat leta hai os ke katne ki waja se hoti hai ya phir koe asisi ghiza lene ki waja se jis ka fori rade amal hota hai or kai halton men tu shock ki waja se moot bhi waqi ho sakti hai. Yahan aik asool yad rakhna buhat zarori hai ke agr ap ki kisi dawa se allergy hai tu ap jub bhi kisi doctor ke pas jayen tu doctor ko ye zaror batain ke ap ko falan dawai se allergy hai ta ke wo aisi koe dawa ap ke nuskhay men shamil na kere.

Isi terah ap ko kisi khanay se allergy hai tu kisi surat wo khana na khayen khanay ki dawat men aik dost ne jise sea food se allergy thi is terah ka khana abhi chaka ee tha ke mints men halat ghair ho gayi. Fori tor pr hospital puhanchaya gaya jahan bari mushkil se fori ilaj se aafaqa howa. Achanak shuru hone wali allergy kuch der men khud khatam ho jati hai. Kai log allergy door kerne wali dawa ka istemal mustakil shuru kr dete hen jis ka koe khas faida ni hota hai. Is liye zarori hai ke dawaon ka istemal sirf or sirf doctor ke mashware kiya jaye.

 

Asan Or Mutabadil Ilaj

 

Fori or achanak pr hone wali allergy asal men khatre ki ghante hai ju ke ap ko khardar krti hai ke ap falan khana ya dawa ka istemal fori tor pr band keren. Or ainda ke liye is ke qareeb bhi na pahtke kai logon ko kisi khas khane se allergy hoti hai is ka behtreen ilaj is khane se mukamal perhiz hai. Is terah ap ko kisi dawa se allergy hai tu is ka istemal mukamal tor pr band kr den. Agr ap ko allergy ya kharish hai ho jaye tu fori tor pr doctor se raju keren or ju dawa waghera ap istemal kr rahe hon tu is ka istemal fori tor pr band kr den. Bachon ki surat men ya dekhen ke kisi keeray ke katne se tu allergy ni hoyi allergy ke ilaj ke liye manderja zel home remedies bhi faida mand hen.

 

  • Fori tor pr allergy paida kerne wale awamil se door ho jayen.
  • Keera katne ki surat men kharish ya allergy wali jaga pr lohai se massage keren ya phir baraf se takoor keren.
  • Mustakil kharish ya allergy ki surat men jism alsee ke oil or tara meera keoil ki malish keren.
  • Taza vegetables or fruits ka juice istemal keren.
  • Vitamin b5 or vitamin E ka 4 se 6 hafton tak istemal keren ye anti allergic ki khososiyat rakhte hen.
  • Saans ki nail ke operi hisa men hone wali allergy ke liye castor oil ke 4 ya 5 qatre sada pani ya fruit juice ke aik cup men dal kr subah khali pait len.

Leave a Reply

Your email address will not be published. Required fields are marked *

%d bloggers like this: